Монгол улсын боловсролын их сургууль

Монгол Улсад багш бэлтгэдэг ууган сургууль болох МУБИС анх 1951 оноос Улсын багшийн институт, 1959 оноос Улсын багшийн дээд сургууль, 1991 оноос Улсын багшийн их сургууль, 2003 оноос МУБИС болон өргөжин тэлж ирсэн. Өнөөдрийн байдлаар бакалаврын түвшинд 43 мэргэжлээр 11000 оюутан, магистр, докторын түвшинд 9000 орчим суралцагчид, 1500 гаруй гадаад оюутан, 900 орчим багш профессор, ажилтан ажилчидтай үйл ажиллагаа явуулж байна. МУБИС бүрэлдэхүүний 7, орон нутагт салбар 2 сургууль болон ерөнхий боловсролын сургуулийн үйл ажиллагааг явуулж буй төрийн өмчит, тэргүүлэх их сургуулийн нэг билээ.