Нүдний рефракцийн гажиг нь хүн амын дунд түгээмэл тохиолддог эмгэг бөгөөд эмчлэгдэж болох сохролын үндсэн таван шалтгааны нэгд ордог. ДЭМБ-ын мэдээлснээр 2.2 тэрбум хүн хараа алдалттай, үүнээс 1 тэрбум нь нүдний рефракцийн гажигтай байгаа бол тэднээс 825 сая нь ойрын харааны шил зүүдэг байна. Пресбиопи ойрын харааны өөрчлөлт нь хөгжиж буй болон хөгжингүй орнуудын 40-өөс дээш насны хүмүүсийн амьдралын ид бүтээх үед ажлын чадавх ба бүтээмжийг бууруулж, амьдралын чанарт нөлөөлж байна.